30 Mai Alumnado do CEIP Agro do Muíño visita a EDAR de Bertamiráns

Un total de 127 estudantes do CEIP Agro do Muíño visitaron a Estación Depuradora de Augas Residuais de Bertamiráns durante o mes de maio. Estas excursións educativas estiveron guiados polo persoal de Espina & Delfín, que xestiona esta EDAR para o Concello de Ames dentro do contrato do Servizo de Augas, que engloba todo o Ciclo Integral de Auga deste concello.

O alumnado puido coñecer de primeira man como é o proceso de depuración da auga do seu municipio e a importancia desta infraestrutura para poder devolvela ao medio natural co mínimo impacto ambiental.