En Espina & Delfín cremos que o noso compromiso co medio vai máis aló da xestión do ciclo integral da auga. Traballamos para operar dun xeito ético, transparente e sostible de conformidade coas leis, os regulamentos e as boas prácticas que garantan o cumprimento legal, pero tamén o respecto ao medio, ás comunidades nas que traballamos e ás persoas coas que colaboramos. Polo tanto, a nosa política de compliance abrangue todas as nosas actividades.
COMPLIANCE
COMPLIANCE
ÉTICA TRANSPARENCIA RESPECTO
SOSTIBILIDADE PERSOAS
Código ético
Define os principios e as normas de conduta que deben rexer a actuación de todos os profesionais das empresas que forman o Grupo Espina & Delfín, independentemente do sector de actividade no que desenvolvan o seu traballo ou do ámbito xeográfico onde actúen.
Este código ten como obxectivo orientar as relacións entre empregados, as súas accións con clientes, accionistas, provedores e colaboradores externos e as relacións con institucións públicas e privadas e coa sociedade en xeral.
Actuar con integridade é máis que simplemente protexer a imaxe e a reputación da empresa, tamén é preservar un lugar onde tódalas persoas se sintan orgullosas de traballar.
Política de conflito de intereses e anticorrupción
En Espina & Delfín apostamos pola nosa proxección internacional desde a nosa fundación. A nosa estratexia de expansión, baseada na procura da perfección, converteunos nunha das poucas empresas españolas que executan construcións hidráulicas a nivel internacional.
En Espina & Delfín rexeitamos toda forma de corrupción aplicando un criterio de tolerancia cero a calquera incumprimento da nosa política.
Política de compliance
A nosa política de compliance ten como obxectivo informar a todos os membros de Espina & Delfín, así como a terceiros relacionados coa empresa, dunha contundente oposición a calquera acto ilícito, infracción penal ou calquera outro tipo de infracción.
A través dela, amosamos a nosa firme vontade de combater e erradicar este tipo de actos co obxectivo de mellorar o noso rendemento e evitar un posible deterioro da nosa imaxe e a nosa reputación.
Canle de denuncias
O Grupo Espina & Delfín pon a canle de denuncias a disposición de empregados, provedores, clientes e colaboradores para que poidan comunicar calquera dúbida, consulta ou queixa sobre calquera conduta irregular relacionada co código ético e a normativa anticorrupción.
Garantimos a total confidencialidade dos denunciantes, así como a ausencia de represalias polas denuncias feitas de boa fe.
Política de provedores e compra responsable
A política de provedores e compra responsable establece unha serie de valores e pautas de actuación en termos de selección de provedores e procedementos de compra que teñen como obxectivo garantir principios como a concorrencia e imparcialidade na selección de provedores, o cumprimento dos estándares de calidade, o respecto ético e normativo ou a práctica empresarial responsable de todas as partes implicadas na cadea de subministración.
Protocolo de actualización nas relacións coa Administración pública
Somos unha empresa interesada no cumprimento normativo a tódolos niveis, polo que os nosos sistemas de xestión do cumprimento penal e antisuborno están aliñados coas mellores prácticas en termos de transparencia, integridade e corrección nas relacións co mercado e a competencia.
Por iso, aprobouse este documento co fin de regular e establecer unha guía de actuación para o persoal da organización nas súas relacións cos cargos públicos que garanta a transparencia e contribúa á correcta xestión dos riscos de suborno e corrupción no ámbito das relacións que mantemos coa Administración pública.