Espina & Delfín explica o modelo de economía circular na xestión integral do ciclo da auga

Espina & Delfín, empresa especializada en obra hidráulica e na xestión do ciclo integral da auga, participou nas III Xornadas Ambientais e de Turismo Sostible no Camiño Portugués organizadas polo Programa Galego de Municipios Saudables e Sostibles en Caldas de Reis.

Priscila Artiga, técnica de depuración de augas residuais de Espina & Delfín, foi a encargada de expoñer o modelo de economía circular na xestión integral do ciclo da auga. Explicou as iniciativas que se están levando a cabo na empresa para revalorizar as augas residuais e convertelas nunha fonte de recursos. Isto permítenos evolucionar cara unha xestión máis sostible. A economía circular está orientada á busca dunha maior competitividade, innovación e unha maior protección ao medio ambiente e o desenvolvemento social.

Esta xornada tivo como obxectivo avanzar na loita contra o cambio climático e na saúde ambiental do planeta, fomentar o modelo de economía circular e impulsar o turismo sostible no camiño portugués.



Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies