16 Mai Visita dos alumnos do obradoiro de emprego SETE FONTES á ETAP de Carnota e Muros

O pasado 10 de maio recibimos a visita dos alumnos do taller de emprego “Sete Fontes” do Concello de Muros na E.T.A.P. da Mancomunidade dos Concellos de Carnota e Muros. Este programa de emprego e formación imparte o Certificado de Profesionalidade de Interpretación e Educación Ambiental.

O persoal técnico encargado da planta de tratamento de auga potable, xestionada por Espina e Delfín, guiounos nun percorrido polas instalacións. No transcurso da visita explicáronlles o funcionamento do ciclo integral da auga, dende a súa captación ata as fases posteriores de tratamento, almacenamento e distribución polas que pasa.