29 Mai Despedida de José Puga, José Antelo e Jesús Chenel

Varios traballadores de Espina & Delfín, acompañados por Óscar e Rosa Blanca Rodríguez, administradores da compañía, reuníronse o pasado venres 24 de maio no restaurante compostelán A Calzada de San Marcos para despedir a tres dos nosos compañeiros pola súa xubilación.

Os homenaxeados foron José Puga, empregado do Servizo de Augas de Padrón, José Antelo, do departamento de Obra Hidráulica, e Jesús Chenel, traballador do taller de Espina & Delfín. En agradecemento a estes anos de esforzo e dedicación, Óscar e Rosa Blanca Rodríguez fixéronlle entrega dunha placa conmemorativa e un obsequio a cada un deles.